Heldur áfram að skrifa söguna
Setja bókamerki
Ester Ledecka frá Tékklandi varð í nótt fyrsta konan til þess að vinna til tvennra gullverðlauna í tveimur mismunandi íþróttagreinum er hún vann samhliða brettastórsvig kvenna á Vetrarólympíuleiknum í Pyeongchang í Suður-Kóreu. Áður hafði hún eins og frægt er orðið unnið til gullverðlauna í risasvigi þar sem hún kom öllum að óvörum.
Hin 22 ára gamla Ledecka hafði betur gegn Selina Jorg frá Þýskalandi.
Ledecka er fimmti íþróttamaðurinn til þess að vinna verðlaun í tveimur íþróttum á einum leikum en sú fyrsta í ótengdum greinum en verðlaunahafar unnu allir til gullverðlauna í norrænum skíðagreinum.
„Það var frekar erfitt að breyta sjálfri mér í brettakonu. Ég hafði viku til þess og mér leið ekki vel í gær. Í dag fann ég hins vegar sjóbrettakonuna í mér, sem betur fer,“ sagði Ledecka.
„Þetta er eflaust besta sagan frá þessum leikum. Alveg ótrúlegt. Þvílík íþróttakona. Það er nógu erfitt að keppa í einni grein,“ sagði íþróttafréttmaðurinn Graham Bell á BBC en sigri hennar í þeirri grein hefur verið lýst sem einni ótrúlegustu sögu allra tíma frá Ólympíuleikum þar sem hún átti ekki einu sinni sín eigin skíði og skíðaði til sigurs á lánsskíðum.
„4-5% gólf sem við verðum bara að brjótast í gegnum“
„Gleymum því ekki að okkar vali fylgir ábyrgð“
María Sigrún svarar Degi fullum hálsi
„Hætta á því að það dragi úr samstöðunni“
Var sofandi þegar slökkvilið bar að garði
Mældist á 174 km hraða í gegnum vinnusvæði
Skuldahalinn lengist í Reykjavík