Fyrir hálfu tíunda ári síðan skoraði átján ára enskur strákur mark fyrir Víking úr Reykjavík í bikarleik gegn Knattspyrnufélagi Vesturbæjar á gervigrasvelli KR í Vesturbænum.
Í gærkvöld skoraði sami strákur, nú 27 ára gamall, ótrúlegt mark fyrir skoska liðið Rangers gegn Standard Liege í Evrópudeildinni, af eigin vallarhelmingi, og innsiglaði með því 2:0 útisigur Skotanna á Belgunum.
Hann setti um leið met því aldrei áður hefur mark verið skorað með skoti fyrir aftan miðju í leik í þessari keppni. Roofe fékk boltann rétt fyrir utan eigin vítateigs og lék á þrjá leikmenn Standard áður en hann lét vaða á markið rétt áður en hann kom að miðlínunni, yfir markvörð Belganna og í netið.
Roofe kom til Víkings sem lánsmaður frá West Bromwich Albion í sex vikur vorið 2011 og tók þátt í tveimur leikjum í úrvalsdeildinni, auk þess sem hann skoraði annað marka Víkings í 2:0 sigri á KV í bikarkeppninni á gervigrasvelli KR-inga.
"Don't shoot! Take it to the corner! We're 1-0 up with seconds to go... WHAT A F***ING GOAL!" 😅
— SPORTbible (@sportbible) October 22, 2020
Kemar Roofe has genuinely just scored the best goal you'll see for a very, very long time. Holy sh*t. 😍🔥 https://t.co/Jvvns5QTAp
Aye, so Kemar Roofe has just scored... well... the best goal ever scored by anyone. Ever. 🔴⚪🔵⚽️ pic.twitter.com/LufeBLxvHM
— Greg Martin 🎧 (@gregmartin1982) October 22, 2020