Stjarnan fékk sitt fyrsta stig í Lengjubikar kvenna í fótbolta í dag. Stjarnan heimsótti þá Þór/KA í Bogann og skildu liðin jöfn, 1:1.
Birna Jóhannsdóttir kom Stjörnunni yfir á 41. mínútu og var staðan í leikhléi 1:0. Margrét Árnadóttir jafnaði hins vegar á 67. mínútu og þar við sat.
Bæði lið eru með eitt stig, en Stjarnan hefur leikið tvo leiki og Þór/KA einn. Valur er í toppsætinu með sex stig, Breiðablik í öðru með þrjú, svo Þór/KA og Stjarnan með eitt og ÍBV og Selfoss eru án stiga.