Inga Lind Karlsdóttir framleiðandi og eigandi Skot Productions lét sig ekki vanta á frumsýningu Sem á himni í Þjóðleikhúsinu á dögunum. Það gerðu heldur ekki leikhússtjórinn Magnús Geir Þórðarson og eiginkona hans, Ingibjörg Ösp Stefánsdóttir. 

Salka Sól Eyfjörð og Elmar Gilbertsson fara með aðalhlutverk í sýningunni sem fjallar um heimsfrægan hljómsveitarstjóra sem mætir óvænt í lítið þorp til þess að draga sig úr skarkala heimsins. Í framhaldinu er hann fenginn til að stýra kirkjukórnum. 

Sem á himni er leikstýrt af Unni Ösp Stefánsdóttur og Filippía I. Elísdóttir gerði búningana.