Við Grenimel í Reykjavík er að finna 320 fm einbýlishús sem reist var 1945. Húsið er mikið endurnýjað og hefur að geyma auka íbúð í kjallara. 

Húsinu hefur verið vel við haldið og eru nýjar innréttingar í takt við byggingartímann. Í húsinu er upprunalegur stigi upp á efri hæðina þar sem svefnherbergin eru. 

Eldhúsið er sérlega vel heppnað en það var opnað inn í borðstofu og stofu sem hefur að geyma franska glerhurð. Eldhúsinnréttingin er frá ReformCph og er úr bandsagaðir eik og setur grænn marmari svip sinn á eldhúsið. Helluborð og vaskur eru í tanganum fyrir framan innréttinguna. Tæki fráAEG prýða eldhúsið eins og tveir innbyggðir ísskápar og tveir ofnar. Helluborðið er með innbyggðum gufugleypi. 

Á gólfunum eru 30 sm eikarplankar en flísar eru á baðherbergjum. 

Í heild sinni er heimilið snoturt og vel skipulagt. Viðarhúsgögn fara vel við String-hillur og mjúkir litir eru allsráðandi. 

Fasteignamat hússins er 179.100.000 kr. en ásett verð 285.000.000 kr. Eigandi hússins er Rakel Þórhallsdóttir viðskiptakona. 

Sjá nánar á fasteignavef mbl.is: Grenimelur 10