Við Safamýri í Reykjavík hefur fjölskylda hreiðrað um sig á svo smekklegan hátt að útkoman líkist listaverki. Það er unun að horfa á myndirnar og skoða hvernig hlutum er raðað upp og svo eru sniðugar lausnir í hverju horni.
Íbúðin er 172 fm að stærð en húsið var byggt 1964.
Í eldhúsinu er upprunaleg innrétting þar sem tekk og formæka mætast á huggulegan hátt. Innréttingin hefur verið endurnýjuð að hluta. Eldhúsið er bjart og skemmtilegt en hægt er að leggja sig í eldhúskróknum ef þreytan sækir á mannskapinn.
Í stofunni eru stórir gluggar sem hleypa birtunni inn á sjarmerandi hátt. Blái liturinn í stofu og eldhúsi lífgar mjög mikið upp á íbúðina og rammar fegurðina inn.