Matur | mbl | 25.3.2022 | 17:09

Meðlætið sem hentar með flestum mat

Frábært brokkolísalat sem hentar stórvel með kjúkling. mbl.is/Helga Magga

Brokkolísalaat sem þetta er ómissandi með kjúklingaréttinum eða eitt og sér ef því er að skipta. Rétturinn er í boði Helgu Möggu sem segir uppskriftina vera vegan.

Meðlætið sem hentar með flestum mat

150 g brokkolí
150 g paprika
210 g kjúklingabaunir niðursoðnar (ein krukka)
60 g þurrkuð trönuber

Sósa

50 g tahini
sítrónusafi úr hálfri sítrónu (um 30ml)
4-5 msk. heitt vatn
1 hvítlauksgeiri
10 g fiber sýróp/maple sýróp (2 tsk.)
1 tsk. karrý
5 g ferskt engifer
1/2 tsk. turmerik duft
salt og pipar

Aðferð:

Allt skorið smátt niður og blandað saman í skál. Ég tek hýðið af kjúklingabaununum en það er smekksatriði. Líka mjög gott að setja 25 gr blaðlauk og smá kóríander, ég set það með ef ég á það til.
Sósan: Gott að gera hana í blandara, henni er svo hellt yfir salatið og öllu blandað vel saman.