„Töluvert líf í þessu“ – Tveir gígar stærstir
Setja bókamerki
Krafturinn í eldgosinu við Sundhnúkagíga er svipaður og verið hefur. Hrauntungurnar tvær hafa ekkert færst til í nótt svo heitið geti, að sögn náttúruvársérfræðings.
„Þetta mallar áfram með svipuðum krafti,” segir Sigríður Magnea Óskarsdóttir, náttúruvársérfræðingur hjá Veðurstofu Íslands. „Það er töluvert líf í þessu ennþá,” bætir hún við, spurð út í kvikustrókavirkni, sem er enn í gangi.
Hún segir gígana hafa byggt upp í kringum sig, sérstaklega öðru megin og eru tveir þeirra stærstir.
Hvað varðar gasmengun segir Sigríður Magnea að það sé norðanátt og byrjað að lægja á svæðinu. Mengunin mun berast til suðurs í dag. Mengun á Reykjanesi hefur ekki mælst há í nótt.
Jarðskjálftavirkni er nánast engin.
Flogið verður yfir svæðið gossvæðið með drónum í dag en hún hefur ekki upplýsingar um hvort þyrla fljúgi líka yfir.
Frelsi sem fylgdi því að loka Önnu Jónu
„Ættir þú ekki frekar að bjóða þig fram til Alþingis?“
Hluti peninganna kominn í leitirnar
Sólarsellur verði á 10 til 20% íslenskra þaka
Afkoma borgarinnar 13 milljörðum undir áætlun
Sala dísil- og bensínbíla eykst
„Eyddi nánast allri nóttina í þetta“
Loftslagsdómurinn út í loftið