Aganefnd Handknattleikssambands Íslands, HSÍ, hefur til skoðunar hegðun stuðningsmanna ÍBV í einum af leik liðsins gegn FH í undanúrslitum Íslandsmóts karla.
Á fundi aganefndar síðastliðinn þriðjudag kemur ekki fram hvaða leik er að ræða en þegar fundurinn fór fram var þremur af fjórum leikjum lokið.
Mætast FH og ÍBV í oddaleik í Kaplakrika næstkomandi sunnudagskvöld.
Afgreiðslu málsins var frestað til næsta fundar þann 7. maí og handknattleiksdeild ÍBV gefið færi á að skila inn athugasemdum vegna hegðunar stuðningsmanna liðsins.