Megn brennisteinslykt við ána
Setja bókamerki
Mælir Veðurstofu Íslands sýnir aukna rafleiðni í Múlakvísl og í nótt var aukið vatnsfæði í ánni.
„Það má búast við áframhaldandi aukningu og möguleikum á hlaupi,“ segir Minney Sigurðardóttir, náttúruvársérfræðingur hjá Veðurstofunni, í samtali við mbl.is.
Jónas Erlendsson, bóndi í Fagradal og fréttaritari mbl.is, segir megn brennisteinslykt vera við Láguhvola.
„Það er töluvert mikið meira vatn í Múlakvísl heldur en venjulega,“ segir Jónas.
Allir á tánum
„Það er að mælast gas við Láguhvola sem er þá samhliða þessari auknu rafleiðni, það er jarðhitavatn sem er að koma í ána, sem getur þá bent til byrjun jökulhlaups,“ segir Minney.
„Það eru allir á tánum með það og almannavarnir eru viðbúnar ef það skildi koma hlaup.“
Fólki er ráðlagt að vera ekki á ferli nærri upptökum Múlakvíslar og við Kötlujökul næstu daga vegna gass, sérstaklega um helgina vegna lítils vinds, að sögn Minneyjar.
„Það er aukið jarðhitavatn í ánni og þessi lykt er að koma með því.“
Fyrsta 360 gráða yfirlitsmyndin frá goslokum
Var sofandi þegar slökkvilið bar að garði
Hvernig er vitað að þessi kona átti þetta barn?
Kíghósti á töluverðri dreifingu í samfélaginu
Magnús Tumi: Gýs líklega á næstu dögum
Vannýtt alþjóðleg tækifæri í heilbrigðiskerfinu
„Þetta þarf að fara að gerast“
„Miklar líkur á rýmingu á næstu sólarhringum“