Tæplega 50 jarðskjálftar mældust í Öræfajökli dagana 20. til 26. nóvember. Það er nokkuð meira en í síðustu mælingu þegar 35 skjálftar mældust þar. Stærsti skjálftinn mældist 1,9 að stærð í hádeginu á sunnudaginn.

Þetta kemur fram á vef Veðurstofu Íslands.

Alls mældust rúmlega 280 jarðskjálftar á landinu með SIL-mælakerfi Veðurstofu Íslands 20. til 26. nóvember. Það eru færri skjálftar en í síðustu mælingu þegar 330 mældust.

Sá stærsti mældist í Bárðarbungu 21. nóvember, 3,9 að stærð. Annar jarðskjálfti 3,8 að stærð mældist þar nokkrum mínútum síðar.

Tengdar fréttir

Öræfajökull

„Það yrði lítill tími til þess að bregðast við“

• Búa sig undir eldgos
• Skjálfti upp á 3,2 stig
• „Þetta er alveg gríðarlega stórt“
• Greinilegar breytingar í jöklinum

» Fleiri tengdar fréttir

• Blogga um frétt