Schengen-samstarfið „í molum“
Setja bókamerki
„Þar sem ekki tekst lengur að verja ytri landamæri Schengen-svæðisins er samstarfið undir merkjum þess í molum. Þetta krefst aukins eftirlits á landamærum hér eins og annars staðar.“
Þetta segir Björn Bjarnason, fyrrverandi dómsmálaráðherra, á vefsíðu sinni í dag. Vísar hann þar til flóttamannastraumsins inn fyrir landamæri Ungverjalands, sem á aðild að Schengen-svæðinu, og þaðan meðal annars til Austurríkis, Þýskalands, Danmerkur og Svíþjóðar. Samstarfið snýst um að hefðbundið landamæraeftirlit er fellt niður á milli aðildarríkja þess gegn því að gæsla á ytri mörkum svæðisins sé eflt en ytri mörk þess liggja að hluta um Ungverjaland.
„Miklar umræður fara fram um framtíð Schengen-samstarfsins. Tómlæti gagnvart þróuninni er varasöm en um árabil hefur enginn sérstakur fulltrúi íslenskrar löggæslu starfað í sendiráði Íslands í Brussel. Sérþekking á Schengen-málefnum skiptir sköpum við gæslu íslenskra hagsmuna á þessu mikilvæga sviði.“
Frétt mbl.is: „Allt að leysast upp í vitleysu“
„Byggja varnargarð utan um fólkið okkar“
Framboð Viktors metið gilt
Móðirin sögð hafa játað að verða syni sínum að bana
Stjórnvöld hafa tvo mánuði til að bregðast við
Ráðherrar taki „lúku úr ríkiskassanum“
Tveir milljarðar tapast vegna vatnsskorts
Enginn tími til að hemla
