Eftirlitsstofnun EFTA mun ekkert aðhafast gegn íslenska ríkinu vegna samninga um byggingu 322.000 tonna álvers Alcoa í Reyðarfirði og hefur þannig fyrir sitt leyti samþykkt framkvæmdina.
Eftirlitsstofnunin birti niðurstöðu sína í morgun og er fréttatilkynningu þar að lútandi að finna á heimasíðu stofnunarinnar, en komast má beint í hana með því að smella á tengilinn í lok fréttarinnar.
Sömuleiðis gaf Umhverfisstofnun út starfsleyfi til handa álverinu í dag, að sögn Páls Magnússonar, aðstoðarmanns Valgerðar Sverrisdóttur iðnaðarráðherra. Er því að hans sögn ekkert því til fyrirstöðu að undirrita samninga um byggingu álversins og verður það gert við athöfn í Fjarðarbyggð á morgun.
Tilkynning um úrskurð Eftirlitsstofnunar EFTA