Skipulagsstofnun mun kveða upp úrskurð sinn varðandi mat á umhverfisáhrifum álvers í Reyðarfirði þann 31. ágúst nk.
Hólmfríður Sigurðardóttir, sviðsstjóri umhverfissviðs, segir að upphaflega hafi staðið til að kveða upp úrskurðinn í gær, 3. ágúst. Framkvæmdaaðilar hefðu hins vegar tekið sér rúman tíma til að svara þeim athugasemdum sem bárust. Því muni úrskurður Skipulagsstofnunar tefjast sem því nemur.