Áköf mótmæli í bandarískum háskólum
Setja bókamerki
Mótmæli héldu áfram hjá stúdentum sem styðja Palestínumenn í þó nokkrum háskólum í Bandaríkjunum í gær.
Kennslustundum var aflýst og mótmælendur voru handteknir.
Mótmælin hófust í síðustu viku við Columbia-háskóla þar sem stór hópur stúdenta tjaldaði á skólalóðinni til að mótmæla ástandinu á Gasasvæðinu.
Mótmælin breiddust út til annarra háskóla, þar á meðal Yale og MIT.
Sumir gyðingar sem stunda nám við Columbia hafa kvartað yfir ögrunum og gyðingaandúð á meðan á mótmælunum hefur staðið. Hafa mótmælendur krafist þess að þessi virti skóli í New York slíti tengslum við fyrirtæki sem tengjast Ísrael.
Kennslustundir voru færðar á netið í gær og bað rektor Columbia stúdenta um að sýna stillingu í opnu bréfi til skólasamfélagsins.
„Undanfarna daga hafa verið of mörg dæmi um ögranir og ágenga hegðun á háskólalóðinni okkar,” sagði hún.
„Orðræða sem felur í sér gyðingaandúð, líkt og öll önnur orðræða sem er notuð til að særa og hræða fólk, er óásættanleg og gripið verður til viðeigandi aðgerða,” bætti hún við.
Í síðustu viku voru meira en 100 mótmælendur handteknir eftir að háskólayfirvöld hringdu í lögregluna og báðu hana um að skerast í leikinn. Það virtist auka óánægjuna á meðal stúdenta og verða til þess að enn fleiri mættu til að mótmæla um helgina.
Stjórnvöld hafa tvo mánuði til að bregðast við
Framboð Viktors metið gilt
Átta létust og 229 slösuðust alvarlega
Móðirin sögð hafa játað að verða syni sínum að bana
Fólk í kosningateymi Höllu fékk milljónir frá OS
90% samþykktu verkfallsaðgerðir
„Byggja varnargarð utan um fólkið okkar“
Dómari vanhæfur í Hvammsvirkjunarmáli
