Benjamín Netanjahú, forsætisráðherra Ísraels, segir að á næstu dögum muni Ísrael auka hernaðarlegan þrýsting á Gasasvæðinu.
„Á næstu dögum munum við auka hernaðarlegan og efnahagslegan þrýsting á Hamas vegna þess að það er eina leiðin til þess að frelsa gíslana okkar,“ sagði Netanjahú í tilkynningu.
Þrátt fyrir gagnrýni alþjóðasamfélagsins hefur forsætisráðherrann ítrekað sagt að herinn muni hefja árás landleiðis á borgina Rafah.