Maðurinn sem myrti fimm manns vopnaður hnífum, boga og örvum í Noregi í fyrra hefur verið dæmdur ósakhæfur og gert að sæta öryggisgæslu á viðeigandi geðheilbrigðisstofnun.

Espen Andersen Bråt­hen, 38 ára Dani sem býr í Noregi, réðst að fólki inni í stórmarkaði í Kongsberg og fyrir utan hann með boga og örvum. Í kjölfarið stakk hann fimm manns til bana með hnífi.

Frétt af mbl.is

Árásarmaðurinn fluttur á heilbrigðisstofnun

Bæði verjendur og saksóknari í dómsmáli Bråt­hen töluðu fyrir því að ekki væri hægt að sýna fram á sakhæfi hans vegna geðsjúkdóma og að hann yrði ekki vistaður í fangelsi vegna þessa.

Þrír sérfræðingar komust að þeirri niðurstöðu að maðurinn væri haldinn ofsóknaræði. 

Bråt­hen lýsti yfir sekt sinni í rétti í síðasta mánuði.

Tengdar fréttir

Árás í Kongsberg í Noregi

Birta upptökur frá Kongsberg-árásinni

• Fórnarlömbin myrt með eggvopni, ekki örvum
• Nöfn hinna látnu í Kongsberg
• Segja andleg veikindi líklega orsök árásarinnar
• Úrskurðaður í fjögurra vikna gæsluvarðhald

» Fleiri tengdar fréttir

• Blogga um frétt