Hermenn rýmdu götur í Harare
Setja bókamerki
Hermenn og lögreglumenn rýmdu götur í miðborg Harare, höfuðborgar Simbabve, í morgun en í gær voru þrír mótmælendur úr röðum stjórnarandstæðinga skotnir til bana.
Hermenn með árásarriffla og lögreglumenn hrópuðu að gangandi vegfarendum og kaupmönnum að yfirgefa miðborgina og hefur fyrirtækjum þar verið lokað.
Yfirvöld í Simbabve hafa hvatt almenning til að sýna þolinmæði en beðið er eftir niðurstöðu úr forsetakosningunum þar í landi. Samhliða þeim fóru fram þingkosningar.
Yfirkjörstjórn Simbabve hefur lýst því yfir að Zanu-PF, flokkur Emmerson Mnangagwa, forseta landsins, hafi borið sigur úr býtum í þingkosningunum með tvo þriðju hluta atkvæða.
Nelson Chamisa, leiðtogi stjórnarandstöðunnar, segir að brögð hafi verið í tafli í kosningunum.
Antonio Guterres, aðalritari Sameinuðu þjóðanna, hefur hvatt stjórnmálamenn í Simbabve til að sýna stillingu. Bandaríska sendiráðið í Harare hvatti einnig til stillingar og sagði að þjóðin hefði „sögulegt tækifæri“ til að öðlast bjarta framtíð.
/frimg/1/28/6/1280672.jpg)
Gripinn með tvær milljónir á Keflavíkurflugvelli
Framboð Viktors metið gilt
Ráðherrar taki „lúku úr ríkiskassanum“
Sautján greinst með kíghósta
Sala dísil- og bensínbíla eykst
Verkfallsaðgerðir á Keflavíkurflugvelli samþykktar
Hluti peninganna kominn í leitirnar