Yngsta dóttir Donalds Trumps fyrrverandi Bandaríkjaforseta, Tiffany, tilkynnti trúlofun sína og Michaels Boulos daginn sem faðir hennar lét af embætti hinn 20. janúar. Boulos hefur heldur betur stimplað sig inn í fjölskylduna en trúlofunarhringurinn sem hann gaf Trump kostar 155 milljónir íslenskra króna.
Boulos er af efnuðum ættum, fæddist í Líbanon en ólst upp í Nígeríu. Hann flutti svo til London til að fara í háskóla en hann úskrifaðist frá Regent-háskóla.
Faðir hans er Massad Boulos en hann stofnaði viðskiptastórveldið Boulos Enterprises sem er metið á milljarða bandaríkjadala. Þá hefur Boulos gefið út að sonur hans muni erfa stórveldið.