Fyrirsætan Sofia Richie sást á dögunum á stefnumóti með nýjum kærasta. Richie og raunveruleikastjarnan Scott Disick hættu saman í sumar erftir stormasamt samband.
Nýi maðurinn í lífi Richie er viðskiptamaðurinn Matthew Morton. „Þau eru að reyna að halda öllu lágstemmdu í kringum sambandið en þau eru klárlega að hittast,“ sagði heimildarmaður Us Weekly um málið.
Fyrrverandi kærasti hennar, Disick, hefur einnig sést nýlega á stefnumótum með tveimur öðrum konum. Í síðustu viku sást hann með fyrirsætunni Megan Blake Irwin og fyrr í mánuðinum með fyrrverandi kærustu sinni, fyrirsætunni Bellu Banos.