Dóttir raunveruleikastjörnunnar Khloé Kardashian og körfuboltakappans Tristan Thomspon, True Thomspon, kom í heiminn fyrir viku en er að sjálfsögðu komin með Instagram-reikning.
Engar myndir hafa verið birtar af barninu á Instagram en þrátt fyrir það hafa 180 þúsund notendur fylgt litla barninu. Amma barnsins, Kris Jenner, vakti athygli Instagram-reikningnum þegar hún birti mynd af blöðrum og sagði frá því hvað nafn barnsins þýddi fyrir fjölskylduna.
Ekki er óalgengt að börn stjarnanna séu með sinn eigin Instagram-reikning. Mbl.is hefur áður greint frá vinsældum dóttur tennisstjörnunnar Serenu Williams á Instagram. Barnið er nú að verða átta mánaða og komið með yfir 300 þúsund fylgjendur.
A post shared by Kris Jenner (@krisjenner) on Apr 16, 2018 at 1:45pm PDT