Íslenski stjörnukokkurinn í NY heimsóttur

Ólafur Örn Ólafsson þjónn stýrir þættinum Kokkaflakk í Sjónvarpi Símans. Í þættinum sem sýndur verður í kvöld hittir hann matreiðslumanninn Gunnar Karl Gíslason sem býr í Greenpoint í Brooklyn í New York.

Hann er eini Íslendingurinn sem hefur verið verðlaunaður með tveimur Michelin-stjörnum, annarri fyrir veitingastaðinn DILL í Reykjavík og hinni fyrir Agern sem er staðsettur í hinu sögufræga Grand Central Terminal í hjarta Manhattan. En hver er þessi Gunnar? Í þætti kvöldsins fá áhorfendur að kynnast þessum stjörnukokki Íslands sem er ekki bara góður í að búa til mat heldur líka fjölskyldumaður og náttúrubarn.

Þátturinn er í opinni dagskrá í dag kl. 20.20 í Sjónvarpi Símans.

• Blogga um frétt