Kanadíski leikarinn Ryan Gosling fór á kostum sem gestastjórnandi Saturday Night Live síðastliðið laugardagskvöld. Var þetta í þriðja sinn sem Gosling stýrir hinum sívinsæla gamanþætti. 

Leikarinn brá sér í ótal gervi og fékk áhorfendur til að brosa og skella upp úr oftar en einu sinni, tvisvar og þrisvar. 

Eftirminnilegasta sena þáttarins var án efa Beavis and Butt-Head. Gosling mætti á svið klæddur upp eins og teiknimyndakarakterinn Beavis. Liðsmaður Saturday Night Live, Mikey Day, fór með hlutverk Butt-Head.

Gervi beggja var til fyrirmyndar, frábærlega skoplegt og ýkt, en báðir áttu leikararnir erfitt með að stilla sig um að skella ekki upp úr.

Butt-Head-gervi Day fékk mótleikkonu þeirra, Heidi Gardner, til að veltast um úr hlátri og átti hún í miklum erfiðleikum með að komast í gegnum senuna, sem kitlar hverja hláturtaug.

Tengdar fréttir

Poppkúltúr

Gekk rauða dregilinn í gervi Beavis

• Streisand birti óviðeigandi athugasemd við færslu McCarthy
• Skilnaðurinn eyðilagði metið
• Pierce Brosnan nær óþekkjanlegur
• Ber sama nafn og vinsælasta poppstjarna í heimi

» Fleiri tengdar fréttir

• Blogga um frétt