Þrátt fyrir að Lady Gaga hafi þurft að aflýsa tíu síðustu tónleikunum á tónleikaferðalagi sínu, Joanne World Tour, þénaði hún ágætlega á ferðalaginu.
Billboard greinir frá því að heildartekjur tónleikaferðalagsins hafi verið 95 milljónir dollara eða um níu og hálfur milljarður íslenskra króna. 841.935 miðar seldust á 49 tónleika. Ferðlagið um Evrópu og Norður-Ameríku hófst í ágúst, síðasti hluti ferðalagsins átti að fara fram síðasta haust en var frestað fram í byrjun janúar.
Í lok þess árs er áætlað að Gaga hefji tónleikaröð sína í Las Vegas en Gaga gerði tveggja ára samning um tónleika í spilaborginni.