Á föstudag fór fram lokahnykkur í inntökuprófum fyrir kvikmyndina Víti í Vestmannaeyjum. Þá kepptu 28 krakkar á fótboltamóti en 10 þeirra fá stærstu hlutverkin í myndinni. Gunnar Helgason, höfundur samnefndrar bókar, segir krakkana ótrúlega hæfileikaríka og ekki síst í fótbolta.
mbl.is kíkti á mótið og óhætt er að segja að stemningin hafi verið góð. Í upphafi voru um 600 krakkar sem tóku þátt í inntökuprófum fyrir myndina en á undanförnum vikum hafa þau verið í ýmsum leiklistarprófum og hefur fækkað í hópnum jafnt og þétt. Tökur fara fram í sumar en myndin er svo væntanleg á næsta ári.