Er komið að Vilde?
Setja bókamerki
Aðdáendur norsku unglingaþáttanna Skam hafa mánuðum saman velt vöngum yfir því hver verður aðalsöguhetjan í fjórðu þáttaröðinni. Nú er spurning hvort Instagram-mynd hafi ljóstrað upp um leyndarmálið.
Leikkonan Ulrikke Falch, sem fer með hlutverk Vilde í þáttunum setti í vikunni mynd inn á Instagram með þessum skilaboðum: „Ég er aðalpersónan í fjórðu þáttaröðinni.“
Svo virðist sem norska ríkissjónvarpið hafi ekki verið á sama máli og leikkonan um að tímabært væri að segja frá þessu þannig að skömmu síðar var búið að breyta textanum í „4“.
Í fyrstu þremur þáttaröðunum, sem gerast í menntaskóla í Ósló, hefur verið fylgst með lífi vinahóps í gegnum eina aðalpersónu. Í þeirri fyrstu var það Eva, Nóra í þáttaröð tvö og Isak í þeirri þriðju. Skam hefur notið gríðarlegra vinsælda og langt úr fyrir aldurshópinn sem þáttunum var beint að en á Íslandi kom þriðja þáttaröðin í dag inn á Sarp RÚV með íslenskum texta. Fjórða þáttaröðin verður frumsýnd í Noregi í vor, hvort sem Vilde verður þar í aðalhlutverki eður ei.
Vegna deilu við samtök tónlistarmanna í Noregi verður fjórða þáttaröðin aðeins í boði í Noregi sem þýðir væntanlega að einhverjir spenntir áhorfendur í öðrum löndum eigi eftir að finna leið til þess að nálgast þættina.
Stóð á milli þess að greiða með eða skila auðu
Samþykkt kaup á fasteignum að virði 52 milljarða
Ástand Ficos stöðugt en „mjög alvarlegt“
Skoða að taka upp gjaldskyldu á notkun nagladekkja
Rannsókn miðar vel
Kortavelta ferðamanna dregst mikið saman
Flugvél Icelandair til Glasgow snúið við