Æstir SKAM-aðdáendur trufla skólastarf
Setja bókamerki
Danskir aðdáendur SKAM-þáttanna norsku hafa flykkst að skólanum Hartvig Nissens í Ósló þar sem persónur þáttanna stunda nám. Að því er fram kemur í frétt Radio24Syv standa þeir stundum fyrir utan kennslustofur í von um að sjá og hitta leikarana sjálfa en Tarjei Sandvik Moe, sem leikur Isak í þáttunum, er einnig nemandi við skólann.
Að sögn Hanna Norum Eliassen skólastjóra er ágengnin orðin svo mikil að skólinn hefur neyðst til að setja sérstakar reglur um hvernig skuli taka á heimsóknum aðdáendanna.
„Kennararnir hafa fengið þær leiðbeiningar að ef að þeir sjá utanaðkomandi einstaklinga í skólabyggingunni skuli þeir biðja þá vinsamlegast um að fara út. Við viljum halda skólastarfinu í sem eðlilegustu horfi svo það er svolítið óheppilegt að nemendur okkar skuli rekast á danska túrista á göngunum.“
Að sögn Hanna eru 90% þeirra sem komið hafa í skólann á síðustu sex mánuðum Danir en einstaka Svíar kíkja þó einnig við.
„Þeir taka Óslóar-bátinn, sem við köllum Dana-bátinn, [frá Kaupmannahöfn] og ástæða ferðalagsins eru SKAM-þættirnir. Okkur þykir frábært að SKAM skuli vera svona vinsælt í Danmörku en við viljum helst komast hjá því að fólk sé að koma inn í skólabyggingarnar.“
Hanna segir ekkert alvarlegt hafa komið upp enn sem komið er en hún hvetur danska SKAM-aðdáendur til þess að leyfa nemendum að vera í friði á meðan þeir eru í skólanum.
Kemur ekki til greina að semja við ESB
Vænta þess að um tímabundið ástand sé að ræða
Þakklátur Kínverjum fyrir friðarumleitanir
Útlendingafrumvarpið á dagskrá á morgun
Samþykkt kaup á fasteignum að virði 52 milljarða
„Dómurinn hefur ríkt fordæmisgildi“
Ástand Ficos stöðugt en „mjög alvarlegt“
Flugvirki lagði ríkið endanlega