Byggðaráð Skagafjarðar harmar stöðvun strandveiða
Setja bókamerki
Byggðaráð Skagafjarðar telur „ólíðandi […] að veiðitími sé með skyndilegri stöðvun tekinn af strandveiðisjómönnum á Norðurlandi þriðja árið í röð vegna þess að potturinn er búinn áður en verðmætasti fiskurinn kemur norður fyrir land,“ að því er segir í fundargerð ráðsins.
Ráðið fundaði í gær og var samþykkt bókun sem tók undir sjónarmið Drangeyjar - smábátafélags Skagafjarðar um stöðvun strandveiða um mitt sumar.
„Það er grundvallaratriði að jafnrétti verði aukið á milli byggðarlaga, tækifæri jöfnuð til að sækja í þann heildarpott sem úthlutað er til strandveiða og takmörkuðum gæðum þannig skipt á réttlátari hátt á milli svæða en nú er. Mikilvægt er að Alþingi endurskoði núverandi fyrirkomulag með framangreint í að markmiði,“ segir í bókuninni.
Strandveiðar voru stöðvaðar 12. júlí síðastliðinn eftir að veiðiheimildir veiðanna kláruðust. Í kjölfarið mótmæltu strandveiðisjómenn ákvörðuninni enda hafa strandveiðisjómenn krafist 12 veiðidaga í fjóra mánuði, maí til ágúst.
Svandís Svavarsdóttir matvælaráðherra hefur lagt til að svæðisskipting strandveiða verði tekin upp til að tryggja að strandveiðisjómenn á öllum veiðisvæðum fái jafnar veiðiheimildir. Frumvarp þess efnis var lagt fyrir Alþingi í mars en fékkst ekki afgreitt fyrir þinglok. Ekki er vitað hvort frumvarpið verði endurflutt á nýju þingi.
Nemendur í HÍ reistu tjaldbúðir án leyfis
Hvorki sést áður hér á landi né annars staðar
Þyngri refsing fyrir að nauðga stjúpdóttur æskuvinar
Vonast til að tjaldbúðir við HÍ standi áfram
Breytingar á skipulagi fréttadeildar RÚV
Bergnuminn í Hvalfirði
Tveggja mánaða flandur um Nýja-Sjáland