Minntust hamfaranna fyrir hálfri öld
Setja bókamerki
Segja má að það hafi verið hamfarir fyrir réttum fimmtíu árum, þegar fjöldi sjómanna fórst í Ísafjarðardjúpi í byrjun febrúar árið 1968. Var af þessu tilefni haldin athöfn á mánudag, um borð í varðskipinu Óðni, til minningar um þá sem týndu lífi þennan örlagaríka sólarhring og jafnframt til að minnast þess björgunarafreks sem áhöfnin á Óðni vann.
Sex manna áhöfn Heiðrúnar II frá Bolungarvík var á meðal þeirra sem fórust, auk 19 manna áhafnar breska togarans Ross Cleveland, en einn skipverja togarans, Harry Eddom, bjargaðist við illan leik. Sama dag strandaði breski togarinn Notts County á Snæfjallaströnd, en áhöfn Óðins vann hetjudáð þegar hún bjargaði skipverjum hans. Einn þeirra var þegar látinn er Óðinn komst á slysstað.
Minningarathöfnin fór fram í þyrluskýli Óðins og fór sr. Sveinn Valgeirsson dómkirkjuprestur með minningarorð um þá sem fórust. Michael Nevin, sendiherra Breta á Íslandi, ávarpaði í kjölfarið þann fjölda sem þarna kom saman og heiðraði um leið Sigurð Þ. Árnason, sem var skipherra Óðins í þessari ferð. Fyrir tilstilli áhafnar hans var 18 mannslífum bjargað þennan dag.
Í kjölfarið var boðið upp á kaffiveitingar í messa skipsins en þar fjallaði Gylfi Geirsson, formaður öldungaráðs Landhelgisgæslunnar og fyrrverandi starfsmaður hennar, um björgunarafrekið sem áhöfn Óðins vann.
Ýtarlega er fjallað um þessa atburði í 200 mílum - 48 síðna sérblaði, sem fylgdi Morgunblaðinu í dag. Fjölmargar og ólíkar sögur urðu til þessa örlagaríku daga, hvort sem um ræðir skipherra um borð í varðskipinu Óðni, 19 ára vélstjóra í siglingu upp á líf og dauða, eða ungan Breta sem á ótrúlegan hátt kemst lífs af eftir að togari hans sekkur í hríðarbyl.
/frimg/1/48/82/1488234.jpg)
Aðeins níu meðmælendur í öðru framboðinu
Virknin færist í aukana innan 48 tíma
11 verða í framboði til embættis forseta Íslands
Ók á ofsahraða á móti umferð og uppi á stétt
Eru að vakta stöðuna í bólusetningum barna
Halla Hrund tekur forystu í könnun
Gæti færst meiri kraftur í eldgosið
Gosopið gæti stækkað á ný: „Eitthvað í aðsigi“