Náttúruvernd Alcoa greiðir fyrir endurnýjun starfsleyfis orkuvera

Alcoa, stærsta álfyrirtæki heims, hefur skuldbundið sig til að varðveita sem ósnortið 4.000 hektara land í Appalachiafjöllum sem það ræður yfir. Með því hefur félagið greitt fyrir því að leyfi þess til að starfrækja fjögur vatnsorkuver í Litluá í Tennessee verði endurnýjað.

Alcoa undirritaði í gær samninga um verndun landsins við yfirvöld og á þriðja tug umhverfissamtaka eftir samningaumleitanir sem staðið höfðu í sjö ár. Hafa þau nú samþykkt áform um áframhaldandi rekstur orkuveranna, en samningurinn þarf að öðlast samþykki bandarísku fulltrúadeildarinnar. Er samþykki þess talið aðeins formsatriði.

Starfsleyfi Alcoa vegna orkuveranna í Litluá í Tennessee og Norður-Karólíonuríki rennur út á næsta ári og hafa yfirvöld ekki viljað ljá máls á endurnýjun þess nema áður hafi tekist samkomulag um aðgerðir í þágu náttúruverndar af hálfu fyrirtækisins.

Stíflurnar voru byggðar snemma á síðasta áratug og sjá orkuver við þær risastóru álveri Alcoa í Tennessee fyrir orku. Þar eru framleiddar álþynnur til drykkjarvörudósa og veitir verið 2.000 manns atvinnu.

• Blogga um frétt