Í B-riðlinum á HM leikur Ástralía við Írland og Nígería við Kanada í fyrstu umferðinni á fyrstu tveimur leikdögum HM, 20. og 21. júlí.
Ástralía heldur heimsmeistaramótið í ár ásamt Nýja-Sjálandi. Ástralir binda miklar vonir við liðið og þá sérstaklega við fyrirliðann, Sam Kerr. Liðið er gríðarsterkt og gæti farið langt og það hjálpar alltaf að vera á heimavelli.
Leikir Ástrala fara fram í stórborgunum Sydney, Brisbane og Melbourne. Heimakonur verða væntanlega í samkeppni við Kanada um sigur í B-riðli en þessi lið mætast í síðustu umferðinni í riðlinum, sem gæti ráðið því hvort þeirra lendi í fyrsta sæti.
Kanada er með lið hlaðið af ólympíumeisturum og hefur reynslumikla markaskorarann Cristine Sinclair í sínum röðum.
Fjallað er ítarlega um liðin fjögur í B-riðli heimsmeistaramóts kvenna í fótbolta í Morgunblaðinu í dag.