Fyrri úrslitaleikur Vals og Olympiacos frá Grikklandi í úrslitaeinvígi Evrópubikars karla í handknattleik fer fram á Hlíðarenda.
Dregið var í höfuðstöðvum evrópska handknattleikssambandsins í Vín í Austurríki í dag en fyrri úrslitaleikurinn, heimaleikur Vals, fer annaðhvort fram laugardaginn 18. maí eða sunnudaginn 19. maí.
Seinni úrslitaleikurinn fer fram í Grikklandi, 25. eða 26. maí og því ljóst að ef Valsmenn fagna sigri í keppninni mun bikarinn fara á loft í Grikklandi.