Grótta sigraði Aftureldingu á heimavelli í umspili um sæti í efstu deild kvenna í handbolta. Staðan í einvíginu er jöfn 1:1.
Afturelding vann fyrsta leikinn í Mosfellsbæ en Grótta svaraði fyrir sig í dag, 31:27. Daðey Ásta Hálfdánsdóttir skoraði 7 mörk fyrir Gróttu, Ída Margrét Stefánsdóttir og Karlotta Óskarsdóttir skoruðu 6 mörk hvor og Soffía Steingrímsdóttir varði 13 skot.
Hjá Aftureldingu voru Susan Ines Gamboa og Anna Katrín Bjarkadóttir markahæstar með 7 mörk og Saga Sif Gísladóttir varði 9 skot í markinu.