Bandaríkjamaðurinn Scottie Scheffler, efsti maður heimslistans í golfi, lék fyrsta hringinn á Masters-mótinu, fyrsta risamóti ársins í golfi, á sex höggum undir pari í gær.
Fékk hann sex fugla og engan skolla. Er þetta fyrsti skollalausi hringur hans á mótinu á ferlinum.
Þrátt fyrir afrekið var Scheffler í öðru sæti eftir fyrsta hring, því landi hans Bryson DeChambeau lék fyrsta hringinn á sjö höggum undir pari.
Mótið fer fram á Augusta National-vellinum í Georgíuríki í Bandaríkjunum.