Ofsarigning og tveir urðu fyrir eldingu í Kaupmannahöfn

Ofsarigning og haglél gerði hlaupurum í Kaupmannahafnarhálfmaraþoninu erfitt fyrir í dag. Tveir hlauparar urðu fyrir eldingu og aflýsa þurfti hlaupinu þegar langt var liðið á það en fyrstu hlauparar sem komu í mark sluppu við rigninguna.

Kenýamaðurinn Abraham Cheroben vann hlaupið á 58 mínútum og 40 sekúndum og var 17 sekúndum frá heimsmetinu. Tími hans er besti tími í þessari vegalengd í sex ár og sá fjórði hraðasti tími frá upphafi.

Henrik Moll, vakthafandi læknir á Ríkisspítalanum í Kaupmannahöfn, staðfesti við BT að tveir hlauparar hefðu orðið fyrir eldingu er þeir voru að koma í mark í Austurbrú, rétt við Parken, þjóðarleikvang Dana. Þar var vatnshæðin á hlaupaleiðinni orðin 10-15 sentímetrar.

Det er en flod, der har dannet sig på Øster Alle i København. Stadig ingen strøm i målområdet. pic.twitter.com/s5CvWMpJNb

— Henrik Fallesen (@hfallesen) September 17, 2017

Moll sagði einnig að hlaupinu hefði verið aflýst þar sem það hefði verið talið of hættulegt.

Verðlaunaafhendingu og öðrum formsatriðum var einnig aflýst.

21 þúsund hlauparar tóku þátt í hálfmaraþoninu í ár.

Frétt DR.

• Blogga um frétt