Julen Lopetegui verður næsti knattspyrnustjóri ítalska stórliðsins AC Milan.
Það er Gazetta dello Sport sem greinir frá þessu en í frétt miðilsins kemur meðal annars fram að Spánverjinn hafi tilkynnt forráðamönnum West Ham að hann sé að taka við ítalska stórliðinu.
Lopetegui, sem er 57 ára gamall, stýrði síðast Wolves í ensku úrvalsdeildinni en hann hefur verið án starfs síðan hann hætti óvænt með enska liðið rétt áður en yfirstandandi tímabil hófst.
Hann hefur einnig stýrt liðum á borð við spænska landsliðinu, Real Madrid, Sevilla og Porto á ferlinum.
Talið er næsta víst að Stefano Pioli verði látinn taka pokann sinn að tímabilinu loknu en AC Milan er með 70 stig í öðru sæti ítölsku A-deildarinnar, 19 stigum minna en topplið Inter Mílanó.