Luis Enrique þjálfari Barcelona segir að síðasta tímabil sitt með liðið geti enn endað á góðu nótunum þrátt fyrir fall liðsins út úr Meistaradeildinni í gærkvöld.
Spánarmeistararnir gerðu markalaust jafntefli við Ítalíumeistara Juventus á Camp Nou í seinni leik liðann í átta liða úrslitunum og Juventus vann einvígi, 3:0.
„Þetta er döpur stund en við reyndum allt fram til síðustu mínútu. Þetta er lið sem aldrei gefst upp, sem berst um alla titla, slakar ekki á og tekur áskorunum,“ sagði Enrique eftir leikinn en hann lætur af störfum hjá Katalóníuliðinu eftir tímabilið.
Börsungar hafa lítinn tíma til að sleikja sárin því þeir sækja erkifjendur sína í Real Madrid heim á sunnudag í El Clásico-slag.
„Það er á hreinu að tekur mig sárt að hafa fallið úr leik í Meistaradeildinni en núna er lykilleikur fram undan á móti toppliðinu og okkar erkióvinum. Ég er sannfærður um að við verðum klárir í þann slag,“ sagði Enrique en Real Madrid hefur þriggja stiga forskot á Barcelona og á að auki leik til góða.
Barcelona verður án Brasilíumannsins Neymars í leiknum gegn Real Madrid þar sem hann tekur út leikbann.