Enski framherjinn Ivan Toney vill fá hærri laun en fyrirliðinn Bruno Fernandes ef hann gengur til liðs við Manchester United í sumar.
Enskir miðlar greina frá en líklegt þykir að Toney færi sig um set í sumar frá liði hans Brentford.
Manchester United er eitt af liðunum sem hafa áhuga á framherjanum en hann hefur einnig verið orðaður við Arsenal og Chelsea.
Vonast hann til þess að fá hærri laun en Fernandes, sem er einn launahæsti leikmaður Manchester United.