Hollenski knattspyrnustjórinn Erik ten Hag verður ekki rekinn frá Manchester United á þessari leiktíð.
Sæti ten Hag er talið heitt og hefur enski landsliðsþjálfarinn Gareth Southgate verið orðaður við stjórastöðuna hjá Manchester-félaginu. Hollendingurinn verður þó stjóri United, út þessa leiktíð hið minnsta.
The Guardian greinir frá. Í frétt enska miðilsins segir að Íslandsvinurinn Sir Jim Ratcliffe, sem sér um knattspyrnutengd erindi hjá félaginu, vilji að ten Hag ljúki tímabilinu áður en ákvörðun verður tekin um framtíð hans í framhaldinu.