Gareth Barry, leikmaður WBA, lék tímamótaleik þegar liðið gerði markalaust jafntefli við West Ham United í fimmtu umferð ensku úrvalsdeildarinnar í knattspyrnu karla í dag.
Barry lék sinn 632. leik í deildinni og jafnaði þar af leiðandi Ryan Giggs á listanum yfir leikjahæstu leikmenn í sögu deildarinnar.
Barry hefur leikið leikina fyrir Aston Villa, Manchester City og Everton. Þá hefur Barry að auki leikið 53 leiki fyrir enska karlalandsliðið í knattspyrnu.