Yfirlýsing vegna máls Gylfa tilbúin
Setja bókamerki
Fljótlega er von á yfirlýsingu frá lögreglunni í Manchester vegna sakamáls knattspyrnumannsins Gylfa Þórs Sigurðssonar.
Gylfi Þór var handtekinn í júlí árið 2021, grunaður um kynferðisbrot gegn ólögráða einstaklingi.
Eftir að hafa verið yfirheyrður af lögreglunni í Manchester hefur hann síðan þá verið laus gegn tryggingu en um leið í farbanni og hefur því ekki mátt yfirgefa Bretlandseyjar.
Rannsókn á málinu lauk í janúar síðastliðnum og samkvæmt Fótbolta.net er yfirlýsing lögreglunnar vegna málsins reiðubúin.
Því er loks frétta að vænta af málinu á næstunni þar sem mun koma í ljós hvort saksóknaraembættið í Manchester ákveði að ákæra Gylfa Þór eða láta málið niður falla.
Gylfi Þór var leikmaður Everton þegar hann var handtekinn og var þegar í stað settur til hliðar. Lék Gylfi Þór ekkert með liðinu á tímabilinu 2021/2022 og rann samningur hans út að því loknu.
Hefur hann því ekki leikið knattspyrnu í að verða tvö ár, en Gylfi Þór er 33 ára gamall.
Kemur ekki til greina að semja við ESB
Vænta þess að um tímabundið ástand sé að ræða
Skoða að taka upp gjaldskyldu á notkun nagladekkja
Flugvirki lagði ríkið endanlega
„Bíð bara eftir að það fari að gjósa aftur“
Ástand Ficos stöðugt en „mjög alvarlegt“
„Hann var lokaður inni í bátnum“