Gylfi Þór Sigurðsson er mættur til Íslands á ný eftir tæplega tveggja ára fjarveru vegna farbanns en hann var fastur á Englandi vegna gruns um kyn­ferðis­brot gegn ólögráða ein­stak­lingi. Mál hans var látið niður falla síðastliðinn föstu­dag.

Þetta herma heimildir fótbolta.net.

Gylfi var hand­tek­inn í júlí árið 2021 og var laus gegn trygg­ingu, allt þar til málið var látið niður falla síðastliðinn föstu­dag. Alls liðu 637 dag­ar frá því hann var hand­tek­inn og þar til málið var loks látið niður falla. Gylfi var að minnsta kosti sleppt gegn trygg­ingu sjö sinn­um, á meðan mál­inu var frestað.

Nú, þegar hann má loks ferðast aftur, er hann mættur til Íslands en samkvæmt fótbolta.net kom hann til landsins í gær. 

Gylfi hefur ekki enn tjáð sig um málið en í grein The Athletic í gær kemur fram að nán­ir fjöl­skyldumeðlim­ir Gylfa séu að íhuga að senda frá sér yf­ir­lýs­ingu, til að skýra hans hlið. 

Frétt af mbl.is

Nýjar upplýsingar í máli Gylfa

Tengdar fréttir

Gylfi grunaður um brot

Gylfi Þór sást opinberlega í fyrsta sinn

• Gylfi Þór velkominn á æfingar
• Nýjar upplýsingar í máli Gylfa
• Vilja bætur sem nema 1,7 milljörðum vegna Gylfa
• Hareide vonar að Gylfi taki fram skóna að nýju

» Fleiri tengdar fréttir

• Blogga um frétt