Það hefur verið í tísku að undanförnu að klæðast rauðu frá toppi til táár. Margar konur hafa lífgað upp á febrúarmánuð og klæðst litnum. Það skiptir ekki máli hvort konurnar séu tískugyðjur eða eigi heima á Bessastöðum. Rautt er fyrir alla. 

Eliza Reid

Eliza Reid forsetafrú er alltaf fallega til fara. Þegar hún smakkaði köku ársins á Bessastöðum á dögunum var hún í fallegri rauðri dragt. Hún hefur sýnt það í gegnum tíðina að hún er óhrædd að klæðast litum. 

Eliza Reid var í rauðri dragt á Bessastöðum. mbl.is/Árni Sæberg

Saga Sig

Ljósmyndarinn Saga Sig er ein best klædda kona landsins. Hún birti mynd af sér á Instagram nýlega þar sem hún var í öllu rauðu. Hún var í rauðum buxum og skyrtu og yfir var hún í fallegum rauðum loðfeldi.

Beyoncé

Tónlistarkonan Beyoncé er ein þeirra sem féll fyrir rauða stílnum á dögunum. Hún klæddist síðri rauðri kápu, var í rauðum bol, í rauðu pilsi, rauðum hælaskóm og til þess að toppa allt var hún með rauðan kúrekahatt. 

Sunneva Eir

Áhrifavaldurinn Sunneva Eir Einarsdóttir er alltaf með puttana á púlsinum. Hún klæddi sig í rautt dress nýlega þegar hún fagnaði ekki Valentínusardeginum heldur vinkonudeginum en dagurinn er oft haldinn hátíðlegur 13. febrúar. 

Tengdar fréttir

Fatastíllinn

10 hlutir sem verða þeir allra heitustu í sumar

• Ofurfyrirsæta sjóðheit í íslenskri hönnun í Frakklandi
• Hlaðvarpsstjarna gekk í það heilaga í Mexíkó
• Hver var í ósamstæðum sokkum á Alþingi?
• Þetta vilja töffarar landsins fá í sumargjöf

» Fleiri tengdar fréttir

Steldu stílnum

Hera Björk og Kidman með sama stílinn

• Milla Ósk og Pattra klæddust eins kjólum
• Eliza Reid keypti notaðan jakka í opinberri heimsókn
• Bjarkey á tvær eins skyrtur í sitthvorum litnum
• Steldu skóstílnum af Laufeyju Lín

» Fleiri tengdar fréttir

• Blogga um frétt