Ragna Hlín Þorleifsdóttir húðlæknir á Húðlæknastöðinni svarar spurningum lesenda Smartlands. Hér fær hún spurningu frá stúlku sem er með rauð augnlok. 

Sæl Ragna,

ég er stelpa á 16 ári og er með rosalega rauð augnlok. Þegar ég vakna eru þau verst og mig klægjar í þau og oftast byrja þau að flagna. Ég nota alveg snyrtivörur en of mikið til að geta vitað hvað það er. Ertu með ráð?

Kveðja, 

BV

Sæl

Það eru nokkrar algengar ástæður fyrir roða á augnlokum. Í fyrsta lagi getur þetta verið atópískt exem og er sú ástæða líkleg ef þú hefur verið að glíma við exem annars staðar á líkama frá barnæsku. Í öðru lagi getur verið að þú sért búin að þróa með þér snertiofnæmi gegn einhverjum innihaldsefnum í kremum eða snyrtivörum sem þú ert að nota. Ég ráðlegg þér að hætta að nota vörurnar sem þú ert vön að nota og setja Mildison sterakrem á augun 1x á dag þar til roðinn hverfur ásamt feitu rakakremi eins og til dæmis locobase, Decubal eða Cicaplast. Síðan getur þú getur lagst í rannsóknarvinnu sjálf og prófað að setja inn eina og eina vöru aftur. Þannig gætir þú komist að því hvaða vara veldur einkennunum þínum. Einnig er hægt að ofnæmisprófa þig hjá húðlækni.

Gnagi þér vel,

Ragna Hlín húðlæknir. 

Liggur þér eitthvað á hjarta? Þú getur sent Rögnu Hlín spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt