Jenna Huld Eysteinsdóttir húðlæknir hjá Húðlæknastöðinni svarar spurningum lesenda Smartlands. Hér fær hún spurningu frá manneskju sem veltir fyrir sér hvaða sólarvörn sé best fyrir ljóshært barn. 

Sæl Jenna Huld.

Hvaða sólarvörn mælið þið með fyrir ljóshært barn?

Kveðja, 

HJB

Sæl og takk fyrir spurninguna.

Börn sem eru mjög ljós í húðinni, til dæmis rauðhærð eða ljóshærð, eru með mjög viðkvæma húðtýpu og þola einmitt sólina illa. Þarna ber að hafa í huga að skýla þeim sem mest frá sólinni með klæðnaði en einmitt bera á góða sólarvörn á svæði sem ekki er hægt að skýla eins og til dæmis andlit og handarbök.

Ég mæli með því að nota sólarvörn með minnst 50 í SPF fyrir börnin og velja vörn sem er merkt „fyrir börn“. Ástæðan er sú að það er minna búið að eiga við þær varnir og þær eru þykkari og þekja betur. Fullorðnum finnst óþægilegt að bera á sig of þykka vörn og þá er oft búið að setja meira vatn í formúluna og fleira til að vörnin fari fljótar inn í húðina.

Einnig myndi ég ráðleggja steinefnasólarvörn fyrir börn eða „mineral“. Dæmi um svoleiðis sólarvörn sem fæst á Íslandi er Pharmaceris E protection from 1st day of life sem fæst í flestum apótekum. Örugglega aðrar varnir til með þessum eiginleikum en þá einmitt leita að „fyrir börn“, minnst SPF 50 og steinefna (mineral) sólarvörn.  

Kær kveðja,

Jenna Huld Eysteinsdóttir 

Liggur þér eitthvað á hjarta? Þú getur sent Jennu Huld spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt