Vilhjálmur Bretaprins klæddist dökkgrænum flauelsjakka á Earthshot-verðlaunahátíðinni í London í gær.
Prinsinn hefur greinilega tekið niður nokkra punkta hjá sér um tísku þegar hann mætti á frumsýningu James Bond-kvikmyndarinnar No Time To Die í lok september en þar klæddist Bond sjálfur, Daniel Craig, bleikum flauelsjakka.
Við flauelsjakkann var Vilhjálmur í svörtum buxum og svörtum rúllukragabol.
Eiginkona Vilhjálms, Katrín hertogaynja af Cambridge, klæddist ljósum kjól með gylltu belti. Hún klæddist kjólnum síðast í heimsókn hjónanna til Los Angeles í Bandaríkjunum árið 2011.