Gegnsær búningur Norðmannsins vakti athygli

Norðmenn unnu gullverðlaun í þríþraut þegar Kristian Blummenfelt kom fyrstur í mark á Ólympíuleikunum í Tókýó. Árangur Norðmannsins þykir ansi góður og hefur hann fengið mikla athygli í erlendum fjölmiðlum eftir sigurinn, en mögulega af ástæðu sem hann reiknaði ekki með. Hvítur búningur Blummenfelts var nefnilega gegnsær.

Svo virðist sem hönnuður búningsins hafi ekki gert ráð fyrir að keppandinn myndi stinga sér til sunds í búningnum. Keppnin í þríþraut skiptist þannig að fyrst hjóla keppendur, síðan tekur við sund og að endingu er hlaupið í mark.

Þegar Blummenfelt kom úr sundinu vakti það athygli áhorfenda að búningurinn hans var orðinn gegnsær. Það er spurning hvort þetta hafi skotið öðrum keppendum skelk í bringu og hjálpað Norðmanninum að vinna þessa keppni, sem af mörgum er talin erfiðasta íþróttagrein Ólympíuleikanna.

Norski þríþrautarkappinn Kristian Blummenfelt fagnaði sigri í gegnsæum hvítum búning. AFP

• Blogga um frétt