Árelía Eydís Guðmundsdóttir dósent við Háskóla Íslands var ekki á leiðinni að fara að flytja þegar hún sá draumahúsið í sjónvarpsþætti þar sem verið var að flytja húsið. Um er að ræða gamalt hús sem byggt var 1895 en það var flutt úr miðbænum yfir í vesturbæinn og sett á nýjan grunn.

Árelía Eydís býr ein ásamt börnunum sínum tveimur í húsinu og segir að það haldi vel utan um þau. Það sem er sérstakt við staðsetninguna á húsinu er að það er við hliðina á dóttur hennar og tengdasyni en þar við hliðina á býr fyrrverandi eiginmaður Árelíu Eydísar með eiginmanni sínum. Sem sagt eins nútímalegt fyrirkomulag og hugsast getur. 

Það var ekki búið að velja innréttingar í húsið þegar hún keypti það. Hún valdi sveppalitaða eldhúsinnréttingu með fulningum sem passar vel  við viðargólfin og alla litríku munina sem hún hefur safnað í kringum sig um dagana. 

Þótt Árelía Eydís sé bæði háskólakennari og rithöfundur þá klæjaði hana í finkurnar að gera meira og eitthvað öðruvísi og skipar nú 2. sæti á lista Framsóknarflokksins í Reykjavík í komandi borgarstjórnarkosningum. 

Tengdar fréttir

Heimilislíf

„Ég á kærasta sem er með miklar skoðanir sem er mjög gott“

• Flutti til Íslands þegar Boris Johnson skellti í lás
• Fluttu tíu sinnum á 13 árum og elska að búa í Vesturbænum
• Voru að skoða fúin hús í 101 en enduðu í Hlíðunum
• „Við keyptum húsið og þetta er það sniðugasta sem við höfum gert“

» Fleiri tengdar fréttir

• Blogga um frétt