Mad Men-stjarna leigir út glæsiíbúð

Mad Men-leikarinn Jon Hamm hefur auglýst glæsiíbúð sína í New York til leigu. Þrátt fyrir að leiguverð í Reykjavík sé hátt er leiguverðið á þessari tveggja svefnherbergja íbúð töluvert hærra. 

Elle Decor greinir frá því að hægt sé að leigja íbúðina á rétt tæpa 15 þúsund dollara á mánuði sem samsvarar rúmri einni og hálfri milljón íslenskra króna. 

Íbúðin, sem er þakíbúð, er afar notaleg og fylgir skjólgóð verönd íbúðinni þrátt fyrir að hún standi hátt.