Gleymið blæjubílnum, nú er hægt að fá sér blæju-einkaflugvél.
Loft flugvélarinnar, sem ber heitið Airbus ACJ319neo Infinito, sýnir glæsilegt útsýni út í himingeiminn fyrir farþega flugvélarinnar.
Farþegar eru nú samt sem betur fer ekki að horfa í gegnum gler en myndavélar sem sitja á toppi flugvélarinnar senda beina útsendingu á því sem gerist fyrir ofan vélina í skjá sem staðsettur er í loftinu þannig að farþegum líður eins og þeir séu í blæju-flugvél.
Vélin kostar 10 milljarða íslenskra króna og var hönnuð af Ítalska bílafyrirtækinu Pagaini Automobili. Hún getur tekið hátt í átta manns en í flugvélinni er svefnherbergi, borðstofa og stór sturta.